HS კოდი და სეს ესნ: რა არის და როგორ მოვძებნოთ
HS (ჰარმონიზებული სისტემა) მსოფლიო საბაჟო ორგანიზაციის სასაქონლო ნომენკლატურაა: საქონლის 6-ნიშნა კოდი, რომელიც ერთნაირია მსოფლიოს ქვეყნების უმეტესობაში. მის საფუძველზე საქართველოში მოქმედებს საგარეო-ეკონომიკური საქმიანობის ეროვნული სასაქონლო ნომენკლატურა — სეს ესნ (ფინანსთა მინისტრის 2024 წლის 26 იანვრის №21 ბრძანება).
ქართული კოდი 11-ნიშნაა: პირველი 6 ნიშანი HS-ს ემთხვევა, დანარჩენი 5 ეროვნული დეტალიზაციაა. სწორედ 11-ნიშნა კოდი იწერება დეკლარაციის 33-ე გრაფაში.
როგორ არის აგებული 11-ნიშნა კოდი
| ნიშნები | დონე | მაგალითი |
|---|---|---|
| 2 | ჯგუფი | 84ბირთვული რეაქტორები, ორთქლის ქვაბები (ბოილერები), დანადგარები და მექანიკური მოწყობილობები; მათი ნაწილები |
| 4 | სასაქონლო პოზიცია | 8471გამომთვლელი მანქანები და მათი ბლოკები; მაგნიტური ან ოპტიკური წამკითხავი მოწყობილობები, მონაცემების ინფორმაციის მატარებლებზე კოდირებული ფორმით გადამტანი მანქანები და მანქანები მსგავსი ინფორმაციის დამუშავებისათვის, სხვა ადგილას დაუსახელებელი ან ჩაურთველი |
| 6 | ქვეპოზიცია (HS) | 8471 30 |
| 11 | ეროვნული კოდი (სეს ესნ) | 8471 30 000 00პორტატიული ციფრული გამომთვლელი მანქანები მასით არა უმეტეს 10 კგ-ისა, რომლებიც შეიცავენ, როგორც მინიმუმ, ცენტრალურ პროცესორს, კლავიატურას და დისპლეის |
ნომენკლატურა დაყოფილია 22 კარად და 99 ჯგუფად; სულ 10 242 11-ნიშნა კოდია.
რაზე მოქმედებს კოდი
- იმპორტის გადასახადის განაკვეთზე: 0 %, 5 % ან 12 % (ზოგ საქონელზე განაკვეთი სპეციფიკურია — რაოდენობაზე).
- აქციზზე: ალკოჰოლი, თამბაქო, საწვავი, ავტომობილები.
- ნებართვებსა და სერტიფიკატებზე — ვეტერინარულზე, ფიტოსანიტარიულზე და სხვ.
- დეკლარაციის 31-ე გრაფის ქართულ დასახელებასა და 41-ე გრაფის დამატებით ერთეულზე.
- არასწორად შერჩეულმა კოდმა შეიძლება გამოიწვიოს დამატებითი გადასახადი, ჯარიმა ან გაფორმების შეფერხება.
როგორ მოვძებნოთ სეს ესნ კოდი
- ჩაწერეთ საქონლის დასახელება ან კოდის პირველი ციფრები ჩვენს ძიებაში — ის ეძებს ქართულად, რუსულად, ინგლისურად, ჩინურად და თურქულად.
- გაჰყევით იერარქიას: ჯგუფი → სასაქონლო პოზიცია → კოდი. მეზობელ კოდებს შორის აირჩიეთ ის, რომლის აღწერაც ზუსტად შეესაბამება თქვენს საქონელს.
- ყურადღება მიაქციეთ თვისებებს, რომლებიც კოდს ცვლის: მასალა, დანიშნულება, შემადგენლობა, სიმაგრე, მოცულობა.
- მომწოდებლის HS კოდი ინვოისში ძიებას ავიწროებს, მაგრამ ბოლო ნიშნები ქართულია — კოდი ნომენკლატურაში შეამოწმეთ.
- თუ ეჭვი გაქვთ, შემოსავლების სამსახურისგან შეგიძლიათ მიიღოთ წინასწარი გადაწყვეტილება კოდის შესახებ: 30 სამუშაო დღეში უფასოდ, 15 დღეში — 250 ₾, 10 დღეში — 500 ₾ (№96 დადგენილება, 48-ე გრაფა).
მოძებნეთ კოდი ახლავე
სეს ესნ კოდის ძებნაკოდების მაგალითები
- 8471 30 000 00პორტატიული ციფრული გამომთვლელი მანქანები მასით არა უმეტეს 10 კგ-ისა, რომლებიც შეიცავენ, როგორც მინიმუმ, ცენტრალურ პროცესორს, კლავიატურას და დისპლეის
- 8517 13 000 00სმარტფონები
- 6109 10 000 00ბამბის ნართისაგან
- 9403 60 100 00ხის ავეჯი სასადილო და საცხოვრებელი ოთახებისათვის
- 2204 21 110 00ელზასი
- 0802 22 000 00ტყის კაკალი ანუ თხილი (Corylus spp.), ნაჭუჭგაცლილი
როგორ გეხმარებათ eBroker
eBroker ინვოისის თითოეულ სტრიქონს 11-ნიშნა კოდს უსადაგებს, გიჩვენებთ არჩევანის მიზეზს და, თუ აღწერა საკმარისი არ არის, გისვამთ განმასხვავებელ კითხვას. საბოლოო კოდს დეკლარანტი ადასტურებს.
წინასწარი დეკლარირება ზოგავს 50–200 ₾-ს
თუ დეკლარაცია eCustoms-ში საქონლის საქართველოში შემოტანამდე დარეგისტრირდა, საბაჟო გაფორმების საფასური ორჯერ ნაკლებია:
| საბაჟო ღირებულება | შემოტანამდე (82-ე გრაფა) | შემოტანის შემდეგ (54¹ გრაფა) | დანაზოგი |
|---|---|---|---|
| 3 000 ₾-მდე | 50 ₾ | 100 ₾ | 50 ₾ |
| 3 000-დან 15 000 ₾-მდე | 150 ₾ | 300 ₾ | 150 ₾ |
| 15 000 ₾-ზე მეტი | 200 ₾ | 400 ₾ | 200 ₾ |
eBroker-ით ერთი დეკლარაცია (30 პოზიციამდე) 19 ₾ ღირს — ნაკლები, ვიდრე ყველაზე მცირე დანაზოგი. ერთი დაზოგილი საფასური eBroker-ის ფასს ფარავს.
დანაზოგი მიიღება, თუ დეკლარანტი დეკლარაციას დროულად დაარეგისტრირებს: eBroker პროექტს რამდენიმე წუთში ამზადებს, რომ ეს ტვირთის ჩამოსვლამდე მოასწროთ. გამონაკლისია ავტომობილები და №96 დადგენილების 68-ე, 68¹ და 75-ე გრაფებით გათვალისწინებული სხვა შემთხვევები.
კითხვები HS კოდზე
HS კოდი რა არის?
რას ნიშნავს სეს ესნ?
სად მოვძებნო საქონლის კოდი?
შეიძლება თუ არა მომწოდებლის HS კოდის გამოყენება?
ვინ აგებს პასუხს არასწორ კოდზე?
დეკლარანტის პასუხისმგებლობა
დოკუმენტი მომზადებულია ავტომატურად თქვენ მიერ წარმოდგენილი დოკუმენტების საფუძველზე და აქვს საცნობარო ხასიათი. წარდგენამდე მონაცემები აუცილებლად უნდა გადაამოწმოთ. დეკლარაციას არეგისტრირებს და მის შინაარსზე პასუხისმგებელია ლიცენზირებული დეკლარანტი ან დეკლარაციის წარმდგენი პირი. eBroker არ არის საბაჟო ბროკერი, არ არეგისტრირებს დეკლარაციებს და არ წარადგენს მათ კლიენტის სახელით.
დაწვრილებით